IB投資系列：反其道而行

 我哋幾十年前學經濟，加息經濟降溫，降息經濟升溫，但事實上，升息嘅時候，反而係最賺錢，降息嘅時候，反而係最仆街，怪不得以前中學教我經濟阿sir，自恃自己經濟學問了得，卻經常蝕錢。

「突郎浦」經常說要減息，意味仆街嘅時候將到，大家小心！那些無知嘅「鄉講人」以為減息就係佢哋入巿買樓嘅良機，倒不如寫定遺書交待後事吧！

經濟掂就唔使減息，要減息，經濟就爛無可爛！要急救做CPR，嗰個人一定就離死，一個正常人，有呼吸、有心跳、意識正常，又何需急救呢？

要發達，永遠要反其道而行，當股巿熾熱，一眾「高奴」全部走貨，當股災出現，人人沽空離場，一眾「高奴」炒底入平貨，最後邊個係贏家，大家都很清楚，歷史不住重複發生，問題係你學唔學到功課。

早前借「逸圓」買「尾元」、「尾股」，許多人都賺了不少，不過「逸圓」加息，「尾股」立刻仆街，第一次仆街跌6%，第二次仆街跌10%，第三次仆街跌20%，由於第一、第二次仆街都反彈再創新高，股民會掉以輕心，但第三次就似乎彈唔起，如果第四次仆街分分鐘跌30%，唔係同你講笑。

「東瀛央行」下次議息在本月16、17號，一般認為維持0.5%，年底才會考慮再升息，咁係咪代表仍有半年可炒？仍是未知，大家自行決定，或是睇埋議息結果再作定奪！

（超級老千「富爸爸」說最大崩盤將到，可能係今年夏天，唔知真定假？如果「東瀛央行」今次加息，咁「富爸爸」預言有可能發生，不得不防。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。