當我見到不少公司不務正業,跟風積存虛幣…
甚麼股災,甚麼爆破,就係當所有人都夢醒嘅時候,唔好諗住賺到最後一分錢,因為當所有人都醒晒嘅時候,你係走唔切。
尾債曾視為最安全嘅投資,但當三大評級機構都降尾債評級嘅時候,要走就太遲。跟住尾帝要「搵訂幣」用尾債去鎖定,表面上用真實嘅嘢去鎖定虛擬嘅野,十分合理,不過實情係:真實嘅嘢冇人要,虛擬嘅嘢暫時有人要,唯有用虛擬嘅野綁住真實嘅嘢,不過,尾債不過是票據,尾元不過是代幣,有幾真實呢?虛幣更是無中生有嘅東西,搵訂幣是用真錢換成買虛幣嘅籌碼,好似賭場嘅籌碼一樣,虛幣好像賭場上老虎機嘅數字,係十分虛幻…
我還是「細路」嘅時候,一次「老豆」過大海返嚟,戴著金錶(好大機會係「癆歷事」,咁即係金癆,價值連城),仲買了最新「曖垃訊」手機,還在袋中拿出佢嘅戰績:一大袋馬交「荷紅申」嘅「蒲驚賭場」嘅籌碼,這是他一生最風光嘅一次,也是唯一一次,之後再沒有見過。
我老豆嘅問題喺邊度?去賭場以為係投資、奢侈品當係資產,籌碼以為係真錢。
今日嘅人其實也是一樣,「癆歷事」都跌價,尤其經濟下行週期,奢侈品都係被拋售。「虛幣」消耗了地球幾多能源、用了幾多晶片及算力,有甚麼用處?去中心化?霎戇!現在有三四成虛幣控制在商家佬手上,要升就升,要跌就跌,升嘅時候又有人爆倉,跌嘅時候又有人爆倉,幾多人一生累積嘅財富瞬間消失,你發唔發就唔知,但背後操縱幣價嘅人就肯定發了。
炒虛幣等於去賭場賭錢,用現金兌換籌碼,等於用現金兌換「搵訂幣」,老虎機顯示嘅數字就係虛幣嘅所謂價值,你一日未兌換回籌碼,再將籌碼兌換回現金,嗰啲只不過係數字。
我唔係話你唔可以賺錢,但真係可以去賭場賺錢嘅人係極少數,尾股都就嚟拉柴,虛幣又如何獨存呢?
沒有留言:
張貼留言