昨日，跟某弟兄食早餐，我覺得一切嘅事都係神佈嘅局，我哋嚟到英國，當然也是局。我睇聖經，不育夫婦嘅局也不止一次，參孫嘅父母，撒母耳嘅父母，讓他們俾兒子一生事奉神，咁我哋應怎用這個局？神嘅心意想點？就好值得我哋去深思。
我不反對用溫偉耀講道去學習聖經，用余德淳嘅方法教導子女，參考可以，但視為絕對，大可不必。多年前，某姊妹說睇韓國最大教會趙鏞基牧師嘅書，我都睇過幾本，後來趙鏞基用教會錢買兒子公司嘅入獄，許多人都跌倒。以前教會嘅方向，好明顯某牧師死後，聖靈充滿嘅事就減少了，當然有人借聖靈充滿祈禱話教會有不和，回想佢預言冇錯，正係佢自己，好像太平天國嘅拜上帝會，東王假傳上帝旨意，人都是一樣，咁多年都冇變。
我唔想教會好似睇風向、睇潮流，一時又話但以理教導法好，一時又話「標竿人生」好，兜兜轉轉都唔知想點，心跳就停，就想辦法電一電，藥石亂投，保得住唔死可以，要活出豐盛生命則不可能。
我哋單單頭腦認知係唔會改變生命，你單單知到吸煙有害係冇用，你要戒煙才能幫到自己，但戒煙過程要改變你大腦嘅奬賞機制，係相當痛苦，沒有這個痛苦過程，你係唔會有改變。假如你吸了幾十年煙，想幾個月就戒甩，會不會太天真，同樣，一個人咁㒼塞，係幾十年經歷造成，要改變，靠輔導、心理學家就可改變麼？認知層面或許可以，但去到深嘅層面，若非恆久禱告，係無法改變。
沒有留言:
張貼留言