這個道理，人人都知…
我講下自己的第一步，差不多廿幾年前，剛剛出來工作不久，一個月薪金10000元零幾百，節衣縮食，已經用7000元在中國銀行做「零存整付」，每月都按時入錢，一年後連本帶利取回，第二年加了人工，供8000元，跟住我將錢，再放在渣打銀行做「定期存款」…
錢唔會由天跌下來，而是努力工作，節衣縮食而來，我記得同期的同學，有的食好野，有的買名錶，有的更買車，其中一個剛考牌，更分期買新車，我甚麼也沒有，忘記買飯堂飯票，更只有食「公仔麵」。當年唯一令我自豪，是這個年紀，我已擁有渣打優先理財，唔使排隊處理財務。
人生發生很多事，我只簡單說，後來開了Citi買基金，本來買環球基金，風險較低，後做生意套了三分之一，生意失敗後，意圖收回失地，all in日本，估不到佢可以失落咁多年，年年跌，到我提取唔玩，已蒸發九成，已經變回普通人。
我都唔怕全公開以前漁村的投資，未玩美股前，全部投資在這單一巿場，而且以地產為主導，其實有很大風險。
不過咁，投資前，應睇晒上巿公司最近的報告，了解清楚，死也不可死得不明不白。不過到了今天，這個巿場暫時不宜沾手，要講的說話已很清楚。
(唔想長期糧尾，要小心用錢，多多儲蓄，方為上策。）
人有人性就冇神性，有神性就冇人性，跟住有十年都在教會服侍，食你唔飽，餓你唔死，為神工作，不必計較。然而，十年卻未立寸工，沒有出路，唔想鬱鬱而終，最終再進入世界，入世而不屬世才是要走的路。
冇了中間十年工作經驗，人到中年都唔知可做甚麼，正值地盤用人，唯有走入地盤，我雖然上唔到位，加上不穩定性，但始終薪資始終比出面高，一人工作即可，讓「歪芺」可休養身體，部署生育，也累積資金，重出江湖，這次開了一通投資戶口買港股。
讀「富爸爸窮爸爸」一書，都知現金流向，要成為富人，一定要有富人的現金流向，買入資產，減少負債。
一通唯一好處是手續費平，但孖展息高，同埋只能買港股這個單一巿場。所以找到IB，盈透證劵，可用盡賺錢三法：息差、價差、槓桿，用孖展可買入本金幾倍的股票，威力強大，風險也增加。
（當年我都有投資領展，好彩走得快。）
（上巿公司的報告咁重要，如果你話唔識睇，咁輸了錢就不要反枱了。）
有了IB投資戶口，就開始環球投資，盡可能10份資金，5份美元資產、3份歐元、1份英鎊、1份日圓，管理唔容易，差不多24小時也可買賣（日照在太平洋係冇買賣），自行調節，尤其受地源政治風險地區，如天朝、漁村，就避免投資或減持，可保平安。
好了，一口氣講了，由中國銀行零存整付、渣打銀行訂期存款、Citi買賣基金、一通買港股、IB環球投資，錢唔會由天跌落黎，要改變經濟，就由今天開始，節衣縮食，儲錢投資。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言