IB投資系列：顧此失彼

 最近「馬屍黑」不住幫「突郎浦」做事，「度老多」這等左膠毒害都攪掂，但「家𢲡大」都唔會即刻好番，跟住我哋梗係希望快啲攪掂「私己然」，不過即使佢下台，「嬰國」都唔會即刻好番，執政黨係選民選出來，最多找第二個躝癱做首相。至於收納「隔零難」，將「家𢲡大」納入「尾國」，收回「爸拿馬運河」…整個「不尾」玩晒，成為全球最大國家，號令天下，莫敢不從！

一個人做得一樣，就理唔到另一樣，顧此失彼，因此「突屍拉」股價低沉，當然「馬屍黑」做到頂級高奴，根本唔需要親力親為，但係我都做過分店嘅經理，如果有區域經理、總監巡視業務，係辛苦好多倍，就好像以前「突屍拉」工廠做唔到成績，「馬屍黑」立即長期留在工廠，甚至睡了幾晚，有老闆睇到實，班高管仲唔醒扒⋯⋯點都要做到成績出嚟。

呢隻股票好難玩，分析師評估目標價由24元至515元，「木頭姐」更說值2000元，你可以話高的未算高，也可以話低的未算低，自動駕駛係好美妙，但一日未做到Level 5，仍然都係南柯一夢！單睇賣車根本唔值呢個價！

我知道「馬屍黑」一定做到，問題係要用幾耐時間？五年？十年？你知道佢有例遲嘅習慣，如果單靠鏡頭、軟件要用十年，「焀哥」嘅「威毛」無人的士已經搶佔晒所有市場了！仲有「焀哥」佢嘅AI及量子晶片都唔係惹少，倘若跟自動駕駛整合，無人的士嘅短短行程，已經做晒所有工作。

至於「揮撻」，「芬哥」已跟「風填」等車廠合作研發自動駕駛，因為AI能夠實現盈利，就是自動駕駛，「芬哥」嘅晶片經驗，加上「風填」嘅汽車經驗，真係天下無敵，但是由無變有，怎追「威毛」及FSD呢？

（最近我很喜歡聽黃sir講股票，因為佢肯講真話，唔似「審判」「審大師」、「覺Sir」「覺屍字」之流亂咁噏，有point，十分精彩！有料冇料，一目了然！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。