大不列顛汽車保養

 大不列顛甚麼都貴，最慘收費最後再加VAT消費稅20%，很容易失預算。

有些保養，自己可做，例如加玻璃水，超巿幾鎊一大支，如果MOT發現冇玻璃水，車房幫你加就唔係這個價錢，人工貴過物料。

偈油，拉個油尺就可知夠唔夠，要加都容易，如果啲油太黑，要換就麻煩，除非有合適工具，而廢油要棄置也麻煩，亂掉會俾人告，有案底失去入藉機會，喊都無謂！

友人架豐田跟我一樣，呔令爛咗，但佢情況係貼住車呔部分，有實際危險，我嘅情況係外觀，可以唔換，但代理屈你換都冇計，人地係豐田嘅專家，佢話有危險就有危險。

我嗰呔令屬這款花型，價值也更貴，七百幾鎊，壞了要換，價錢也較貴，唔著數。

我換嗰條呔係Bridgestone某車房都要153.99鎊一條，唔算慳油，但落雨效能不錯，路噪極少，係好呔，但如果因為價錢貴，唔捨得換，用到殘晒，反而唔安全，倒不如用平呔，但年年換，咁反而更好。一般而言，前驅車，前輪換兩次，後輪才換一次，而且由於車呔磨蝕不一，車呔位置仲要互換，但工夫麻煩，通常都唔會咁做，前換兩次，後換一次就ok了。