IB投資系列：富人跟窮人的分別

 魷魚遊戲2，有個場景，有個人買了彩票及麵包，看看窮人會選擇甚麼，絕大部分窮人都選彩票，寧願涯餓，也要搏一次機會，最後這個人將麵包踩爛也不分給窮人，因為他們已選擇了…

我雖然係低奴，又係窮鬼，但作為投資人，係唔會在咁低機會率下注，我上郵輪都唱了100鎊俾「歪芺」玩老虎機，just for fun，好似細個去機鋪打機，我主力喺郵輪用衛星上網炒股，賺了錢，不過唔夠旅費，也是開心。

咁魷魚遊戲想表達甚麼，窮人俾佢再一次機會，仍然係做窮人，就好似中了彩票嘅人，九成以上都會破產。如果再玩多個遊戲，我會一手拿一個麵包，另一手拿兩個麵包，一個可立即食，能忍五分鐘可得兩個，如果能忍耐，懂為將來打算，距離富裕也走近一步。

英國能源費出名貴，出面負五度，我一家三口睡在一間房（一雙人床及一兒童床），只開一間房嘅暖氣。去厠所用窗外街燈反射或充電燈，唔知以為我「窮過呂蒙正」，我買美股，習慣50股一注，閑閑地十幾萬港紙一注，有許多人成日想富，未富已經過緊上等人嘅生活，食好、著好、簽爆咭，我只能引用烏蠅哥一句話…

要享受咗先，係唔會富，「購入資產，減低負債」係成富之路，閱讀「富爸爸、窮爸爸」一書，早就知道，唔嚴格執行，怎可能成功？

（有錢佬都係咁cheap，穿平衫、戴平錶，想富就照跟吧！）

（星期五買了「鬚媽」嘅股票，120元樓下買，已經好安全，點知繼續跌，115元再加注，過埋盤後交易都未上番，焗住揸過夜，希望星期一收錢吧！）

(買得晶片股，當然唔會錯過「芬哥」嘅股票，137元落注，140元樓下買都好安全，星期一收錢，落咗記錄，免得有人話馬後砲。實情我都唔想揸過夜，星期五仲要等兩日，風險提升，中間可以發生很多事。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。