今日星期三，炒到星期五就收皮，唔好再玩了！下星期一「突郎浦」正式登基，分分鐘有大動作，資產大轉移，唔想跳樓，早作部署，可保平安！
有幾樣資產，好大機會貶值，例如，「尾元」，要趁高位兌換成他國貨幣，或買入其他資產，「弱尾元」係有利「尾帝」出口，乎合「突郎浦」嘅想法，不過「尾帝」嘅比較優勢係高科技產品，然而卻唔想某些國家得到，於是實施出口管制，想增加出口，又唔想賣野俾人，咁唔通「尾帝」製造低技術產品？做下家電、衣服之類？根本係荒謬！
不過你哋千萬不要睇少這些高奴，唔會咁低B，一定局中有局，劇本已經有晒，只不過我哋啲低奴唔會知道。例如，唔減息係因為「尾帝」冇錢，又冇人借錢俾佢，走投無路，唔通「突郎浦」向各國乞求，咁低裝咩！向各國加關稅，即時令各國貨幣貶值，於是「尾元」最安全，資金又回流尾帝，尾元最安全泊岸咪係買尾債囉！咁咪有人買尾債，借錢俾尾帝囉。
「尾帝」一定唔會咁低B生產低技術產品，家電、衣服全部made in USA咩，係咪都一定要入口，咁加關稅，一定導致入口性通脹，咁「尾攣處」一定要維持利率，「尾帝」利率冠全球，就能吸引全球資金，何愁「尾債」冇人買！今年大量「尾債」到期，「尾帝」急到瀨尿，急於找人接火棒，「強尾元」就做到依樣嘢，等人接晒火棒，再將「尾元」貶值，一放一收，盡收天下財富，「尾債」係咁，「尾股」也是一樣！
「尾元」會先升後跌，本來以「尾元」計價嘅資產、資源應會上升，不過「突郎浦」會增加石油生產，「尾帝」不單夠本國使用，甚至可以出口，加上「尾帝」全球加關稅，環球經濟唔會好，對石油需求有限，油價可能下跌。「篩荒石油」我一早放晒，唔好搏！
任何野都係升完就跌割韭菜，高位摸頂就一定喺咁先，說話就講完，炒到星期五就算！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言