移英日記（209）反思2

 今日終於下雪…

駕車返教會都要攪十分鐘，各人單顧自己嘅事，冇人顧念神嘅事，只有我自己在風雪中返教會，架車噸半，多個人用油唔會差很遠，一個人最浪費，咁都冇計，又要向兒童主日學請假，確實納悶。

自編、自導、自演，返完教會，去埋「呢度」超巿買餸，豬肉、雞肉、雞蛋、西蘭花，13.26鎊，所有都是A類必須食物，消費稅VAT係零，如果零食或其他物品要俾20%VAT，在零售價已反映。再去「當文奴」買Pizza回家，11.99鎊，當中20%大約2鎊幾係VAT，混能車油錢1鎊唔使，當50便士，共用25.75鎊。

返房自彈自唱，唱到「我要向高山舉目」，歌詞是來自聖經詩篇121章，突然眼濕濕，真如詩歌所講：「我的幫助從造天地的耶和華而來」，可能過往經歷種種，自己都冷待自己，現實都係無情，如果你冇錢，唔通會有人會憐憫你麼？為了避免自己落入困境，努力爭扎求存…雖然你話靠自己，最後也是神一一看顧，才有今日嘅光景。

道理好簡單，但唔係咁多人做到，如果教會合一，同心禁食祈禱，漁村都唔使攪成咁，佢哋甘心做人嘅僕人，而唔係神嘅僕人，教會要人禁聲，要同工撤回聯署，倒行逆施，助紂為虐，「那律法更重要嘅事，就是公義、憐憫、信實，反倒不行，這更重要的是你們當行的，那也是不可不行的」，言論自由及宗教自由係「譏苯發」賦予，宗教人士本來應該企得最硬淨，但都冇風骨，漁村唔玩完才奇！

（某些地方已經容納不了其他聲音，這是很可悲！）

（早前經過巿中心，有飛機在天空組成交叉，藍底白交叉就是蘇格蘭國旗，是節日慶祝？還是對現屆政府不滿？用交叉表示，不過這裡不會以言入罪。）