我記憶中有一套講俄國潛艇嘅戰爭電影，好像是「追擊赤色十月」，一定唔係U571，因為係德國潛艇。個俄國軍官好堅，一上任第一步就係要架潛艇下潛，當達至警戒線仍要繼續，官兵都十分恐懼，直至漏水才停止…個軍官咁做就係要知道架潛艇嘅極限，了解清楚佢嘅性能，就可在戰略上作出正確嘅部署及決定。
我哋又有幾了解自己？若不是放逐你在大不列顛呢啲苦寒之地，你怎知自己嘅極限及潛質是甚麼？認識自己，知道自己係乜嘢質地？在往後人生中，作出正確部署及決定。
以往漁村人都係俾錢拖着走，邊一科搵錢就讀邊一科，邊份工搵錢就做邊行，好少人會問自己想點？最終做又做得唔開心，賺到錢也用盡消費，讓自己開心一點，勉強自己可以繼續行下去，人生過了大半，都唔知為乜？
能夠有這個反思，已是幸福嘅人，但世界嘅人不都是幸福，仍然活在水深火熱，需要我們祈禱！
（晉惠帝時，天下飢荒，百姓餓死，惠帝反問：「何不食肉糜？」如果有肉粥，就唔會餓死啦！）
（到了今日這些事都會發生，真係荒謬！）
（點解統治者會變成這樣？好像「不寒」嘅「甘仔」肥到成隻豬咁，食到糖尿都繼續食，但「不寒人」個個皮黃骨瘦，吃也吃不飽，恍如活在平行時空一樣。）
沒有留言:
張貼留言