IB投資系列：零和遊戲

 股神「爸非突」點解係最偉大投資者，除了係唯一靠投資曾經成為世界首富，佢嘅價值投資，也成為投資嘅教育及典範。

價值投資就是要睇到該公司嘅真實價值，只不過因為某些短期因素阻礙，以致價值被低估或無法發揮，當隨著時間推移，佢嘅真實價值顯現，自然賺到錢了，因為個餅確是大了！

但如果短炒，有真消息，有假消息，正所謂：「路遙知馬力，日久見人心」，短期消息需要時間驗證才能知道真實價值是否有改變，因此在價值不變下，炒炒賣賣，其實不過是零和遊戲，意思就係你賺到嘅錢，係來自其他投資者輸嘅錢，公司價值從來沒有改變。

價值投資係穩陣嘅，關鍵係眼光及耐性，要沽貨也大把人接貨，因為實質價值已經顯現，好像「爸非突」沽「平果」，大把人接貨。如果係零和遊戲，要贏係要打敗其他投資者，個個都係大蠱惑，要贏就唔係咁容易。

就好像打麻雀，贏家只有一個，一定係技藝最高嘅贏，但亦唔排除有人出千、打龍通、使橫手，又會贏。亦有人鴻運當頭，靠運氣又會贏。

我哋呢啲「低奴」，又冇技術，又冇能力發放假消息左右大局，又冇能力分辨消息真偽，只有俾人設局落答，被割韭菜。例如，「扒零T啊」又話會升至90元，最後升至84.8元就冇力，跟住又將評級降為減持，目標價降至60元，股價唔跌才奇，高位接貨嘅人咪割韭菜。其實「尾帝」債務嚴重，唔通「突郎浦」可以俾一倍生意俾「扒零T啊」嗎？幕後玩家舞高弄低，一不小心，很容易中伏！

（「鬚媽」隻股票冇力，賺三百幾港元便算，「芬哥」嗰隻更加潛水，嘥氣！）

（炒下虛幣股賺番啲茶錢，冇咁嬲！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。