IB投資系列：富由儉起

 先看誠哥…

（有錢佬手錶要幾千元。）

（我哋啲窮鬼，用幾舊水嘅Casio便算。）

（有錢佬食巴浪魚飯。）

（我哋啲窮鬼，食47便士（4.7港元）麵包。）

（有錢佬揸舊車、食麥當勞。）

（我哋啲窮鬼，應該用舊車，本來嗰架Honda Civic都係1700鎊（17000港元），但又維修飛輪、換離合器、斷軸，成日壞，英文又唔好，難解釋俾人聽部車乜嘢問題，局住換部豐田Yaris，approved car，罪過！罪過！）

財富嘅累積，一定由節儉開始，我初出道，賺一萬，儲七千，你要做生意、投資，永遠都係死慳死抵儲番尼，爛身爛世，窮鬼一名，沒有名牌裝身，勞力士都冇掂過，要十一奉獻、甚麼捐贈，從來唔會冇錢俾，就是今日，我也隨時準備紙幣，幫助有需要嘅人，有時也有扎心，因為乞食嘅人，不乏比我年輕有力，我冇錢都要去酒店執房，怎可以乞食呢？不過想深一層，難民未必可以工作，救援又未必到位，也有實際需要。

以前有個friend，借了兩皮玩失蹤，WhatsApp唔應，真係無聊！你低聲下氣話冇錢，攪唔掂，我都唔會迫你，咪當跌咗，最弊交待都冇句。講句唔好聽，我找追數公司又得，出律師信告到你破產又得，但係咁樣做，對我又有乜嘢好處？損失只會更大，做生意唔好意氣用事，止蝕就算，反正對方已經變賣了大家嘅關係，原來咁多年交情只不過值兩皮咁cheap，讓我大開眼界。

窮點解窮？富點解富？永遠都有原因，唔好怪上一代冇俾到自己甚麼，要怪就怪自己一生做了乜嘢？

（有些人，一手好牌，打到爛晒，做野懶散，好吃懶做，唔死都冇用。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。