移英日記（193）要自由？還是美食？

 主日崇拜，「老田」牧師分享…

以耶穌接受魔鬼三次試探，對移英港人反醒。當日以色列人出埃及，就是離開奴隸之地，去到曠野敬拜神，神俾佢哋有水有食物，但他們不滿意，比不上埃及嘅食物，就好像今日嘅英國，food court的質素，大餐廳嘅價錢，冇啖好食，苦不堪言。

不過問心，這幾十萬人，係為了食而嚟麼？既然係為公義，或為下一代教育，點解為悶埋怨？為食物埋怨呢？

（愛丁堡小學P1相片，刊登在愛丁堡晚報，1.3鎊，學校代訂1.6鎊，貴貴都要買。）

我們未接受過英式教育，淨係見到佢哋日日玩，唔知學到乜嘢？直至老師跟我們會面，才知道佢哋點運作，透過學生有興趣嘅事，引導他們學習，例如，小兒喜歡車，老師見他整了一個東西，會問他係咪要有wheel，然後借題發揮…

英國屋企有大廚房，四個爐頭、放得入火雞嘅大焗爐，如果你有「頂爺」、「肥媽」嘅廚技，點會冇好野食？問題係我們慣了出街食，廚技普通，自然冇好野食了。

世界冇完美，以前住得幾細，大家係知道的，只不過搵到錢就唔理，放假就去外遊、嘆世界！

（識事務者為俊傑，我自愧不如。）

（明知有問題，口也要講萬歳，咁係咪好呢？）