IB投資系列：小賭怡情，大賭亂性

 最近摩通提升特斯拉目標價至130美元，真係多謝晒！唯恐「機械人的士」沖一沖喜，股價會上升，加上馬斯克死對頭沽空，好像棒打落水狗一樣。

我預期即使沖喜，也上唔番上一次高點271美元，最多只係260美元左右，因為經濟環境比上一次嚴峻，現時僅僅衝到250美元左右，大行又唱衰，評級為「減持」，目標價為130美元，暗示現價仲會跌多百幾元。

這類股票，小注小賭怡情，大注大賭亂性，唔好槓桿，有多餘錢玩下冇所謂，一邊高風險，另一邊買番啲低風險去平衡，切忌將所有蛋放在同一個籃子，可保平安。

（投資，無論升跌，都不要影響心情，正所謂：「泰山崩於前而色不變，麋鹿興於左而目不瞬」，如果投資會令你精神失常，這根本係賭博，咁就唔好玩了！）

（如果我等到現在才沽，或許蝕少一點，甚至賺少少離場，不過即使再有一次機會，都唔會搏，Hong Kong is over，唔可能變番以前咁。）

（ISA戶口，2萬鎊（20萬港紙）本錢，目標係一年100%回報，但經濟轉差，減一半，50%回報，踏入投資ISA第二個月，港股沖喜，我知係虛火，堅持唔買，專注自己有把握嘅投資，只炒美股，現時回報13.25%，用港紙計兩皮幾，賺夠十皮才達標。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。