移英日記（192）移民沒後悔

 移英以先，我也曾考慮馬來西亞，只不過佢地搬龍門，提升MM2H要求，又一定要買發展商貴樓（幫佢哋清貨），又要有每月八萬港元，咁係明趕客，無謂勉強！

其實在大馬生活，每月都要皮幾兩皮，佢甚麼都平，但子女讀書卻一定入國際學校，幾千蚊無走雞，跟住讀大學，馬拉人優先，最top嘅華人、印度人才爭到學位，咁即係又要去澳洲大學，走來走去，真係麻煩。

這裡一條龍，免麻煩，免費Nursery讀到university，小學附屬嘅Nursery，只要住在校區，理所當然直入小學，中學也是一樣，唔使好似英格蘭要重新派位，咁好，俾我揀多次都會揀這裡。

小兒返學，早餐不像漁村去大家樂，一定係家中自製，除了沖奶便可吃嘅早餐，也要整啲花臣野…

（壽司不是用飯，係用面包、蟹柳、牛肉片。把刀唔夠利，所以切得很難看）

就離小兒生日及聖誕，要準備…

買了變型金剛嘅麥加登及聲波，要高級玩具才能滿足，這年代嘅小朋友真幸福了。