伊朗攻擊以色列,導致中東地區緊張,油價急升,我即刻沽晒西方石油(OXY),賺少少便算,未來經濟轉差,對石油需求有限,油價不會長期處於高位。
10月10日特斯拉舉辦機械人的士活動,可能會沖一沖喜,刺激股價,但由於已延遲了一次,令不少人失望,也怕會再出意外,許多投資者不會持有至該日,啱價就沽,至於馬斯克嘅死對頭,也會趁機沽空,因此股價會異常波動,不得不防。
某AI公司已完成集資66億,估值增至1570億,除了著名初創投資者或一直有投資嘅公司,輝達也有參與,不過這類公司要小心,以往歷史,科網熱潮又話改變全世界,元宇宙又話改變全世界,今日AI又話改變全世界,仲話可以取代人類,咁估值應該係天文數字,不過講真,熱潮過後咪打回原型,幕後推手會將最好嘅願景呈現,但理想世界,何時曾出現過?
(以前曾被追捧嘅股票,以往無盈利,今日繼續無盈利,垃圾一隻。)(繼續ISA戶口跟進,賺到2146鎊,兩皮幾,10%回報有多,不過賺錢會轉趨困難,今日都係賺39鎊(390港元),投資要小心!)免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。
沒有留言:
張貼留言