子女教育豐儉由人，你有錢嘅讀私立，遲些工黨話要加20%VAT，如果堅有錢，也不會動搖。如果掹車邊，就會因此轉入公立學校體系。
我哋呢啲窮鬼，就一定讀免費公立學校，在蘇格蘭低年班，午餐都免費，只係俾牛奶錢，如果堅窮，牛奶錢都唔使俾，巴士又免費（只限學童），要點對點，車個仔返學，就要俾啲油錢。
如果想好啲，一定係額外教，我當然想小朋友用繁體字學中文，但這裡冇學校，唯有自教…
如果要子女讀牛津、劍橋等頂級大學，就要入私立文法學校，自細催谷，我哋啲窮鬼，hea學就可以了，講些成語故事、聖經故事、歷史故事，已經係最好嘅學習。
美帝減息，只會考慮兩個因素，一係通脹，一係失業率。通脹未達2%而落重藥，即係經濟出現問題，就業率不足。跟住可以屈尾十又話統計出問題，又話非農數據超預期，美帝並非三流國家，咁玩野法，好低裝，亦令投資者進退失據。
以前話莊家舞高弄低操縱股價，原來全球最大嘅莊家都係一模一樣，根本係一丘之貉，非常黑暗。吸星大法已經盡收天下財富，一吞一吐，一放一收，死咗都唔知乜嘢事？你以為只有天朝割韭菜，少年你真係太天真，美帝一樣咁割，攪到你雞毛鴨血，一生累積財富，化為烏有，永世為奴，任人差遣。
歐美紛紛加重天朝進口電動車嘅關稅，表面因素是天朝補貼電動車，實質係保護主義，保護自身工業，不過任何公開俾全人類知嘅事，都係俾啲喱民睇，用以解釋各種經濟現象，實際係點，你哋這些低下人種根本無權過問，幕後玩家要升就升，要跌就跌，理由只不過將件事合理化。
就好像你問虛擬貨幣點解升？點解跌？冇理由，唔需要理由，幕後玩家要升就升，要跌就跌，好像NFT價值歸零也是可以。至於公司，好像難啲，其實都係好簡單，話某職員違規取得權限投資虧損，整間公司執笠消失，就係咁兒戲。某些地方，一句「房住不炒」，所有地產公司都係咁先，就係咁兒戲。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
人人都想富貴、財務自由，一個等運到，一個不住儲錢、不住留意巿場狀況，邊一個更有機會富起來？
答案很清楚，機會永遠留俾準備好嘅人。
現在正值波濤洶湧嘅時候，正所謂：「亂世出英雄」，在三國時期，諸侯爭霸，用人不拘小節，有才華自然有機會發揮，諸葛孔明也是博覽群書，結交天下豪傑，了解局勢變化，待有賢者出現，出山輔助。如果只是歸隱隆中、不問世事，係沒有意思，「隆中對」也是一早準好，不會無中生有。
現在，也要累積資本，留意世界局勢，待機會出現，重鎚出擊，然後大事可成了。
美帝早前減息，亦預期會繼續減息，然而數據有變，減息步伐可能減慢，非美貨幣轉弱，可能係機會，許多人係靠滙率搵食，換來換去，財富已增加不少。
所以機會從來都不缺乏，問題係人有冇好好掌握。
現在係膽搏膽嘅時候，安全嘅做法係收下息，等機會，當然大上大落也提供了機會，冒險嘅人自然會得到冒險嘅回報。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
曾經聽某移英網紅咁話：「Honda嘅價錢，BMW嘅享受」，就如許多移英港人都一貫咁話：「嚟到歐洲，當然揸歐洲車。」究竟歐洲車係咪真係咁好？
以下有三架車，如果我發達嘅話…
我都會揀Lexus (豐田富貴版），雖然揸出嚟冇咁威，但最緊要可靠。
（電車可靠嗎？Tesla死咗，都要靠部油車去救。）
馬斯克終於公佈Robotaxi…
同樣加映Robovan，可以接載20人。Robotaxi成本3萬美元，沒有軚盤、倒後鏡，只有兩座，許多人嫌貴，但其實對比谷歌無人車，已經好平，我唔知佢哋想幾錢？好像「肶阿敵」電車麼？
投資人最想知道，是營運細節，如果沒有，不過空談。另外，人地最期待是平價電車Model 2，不見影綜，咁可見將來點樣賺錢呢？
個show做得好，但人們最想嘅野攞唔到，大失所望，於是股價一落千丈。
特斯拉賣嘅係願景，點解唔做勁佢，例如，機械人Optimus，又有超級電腦AI訓練，訓練佢炒碟「乾炒牛河」，然後即時俾各人試食，即場沖咖啡，最難嘅拉花都做到，聲稱廿幾萬港紙，一架車嘅價錢，永遠唔使請菲傭，日後可煮全球美食，做一切家務…你唔使做到晒所有野，你做到一兩樣取代人類嘅事，投資者都收貨吧！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
面對惡政，沒有中西嘅分別…
英國雖然不好，但至少我可以咒罵佢，下一次選舉唔會再有機會。但有些地方，並不是這樣，攪到死幾多人，民窮財盡，都可以永續政權。不過，天朝人都有通達的，就是籠子外嘅人。
（令一個地方死幾千萬人會是好人嗎？是很容易答嘅，但籠內嘅人卻不會答。）
虛火不同真火，唔會維持很耐…
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
越接近10月10日機械人的士公佈日，巿場就越多消息，以往一有公司有新發明，大行會唱好，交投增加，股價上升。
客觀嘅質疑有以下：
睇好嘅人唔敢落注或唔敢落重注，睇淡嘅人卻不住發功，口講及實際都有做，咁股價點樣上升呢？現在就好像賭大細咁，如果馬斯克解答晒投資者嘅疑慮，加上佢話這日「將載入史冊」，講到明有大突破，到嗰日就唔係這個價錢，科技嘅野，好難講，尤其馬斯克係一個鬼才，往往將不可能變成可能，買係買個願景，我唔係怕佢整唔到，係唔知幾時整到。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
主日崇拜，「老田」牧師分享…
不過問心，這幾十萬人，係為了食而嚟麼？既然係為公義，或為下一代教育，點解為悶埋怨？為食物埋怨呢？
我們未接受過英式教育，淨係見到佢哋日日玩，唔知學到乜嘢？直至老師跟我們會面，才知道佢哋點運作，透過學生有興趣嘅事，引導他們學習，例如，小兒喜歡車，老師見他整了一個東西，會問他係咪要有wheel，然後借題發揮…
英國屋企有大廚房，四個爐頭、放得入火雞嘅大焗爐，如果你有「頂爺」、「肥媽」嘅廚技，點會冇好野食？問題係我們慣了出街食，廚技普通，自然冇好野食了。
世界冇完美，以前住得幾細，大家係知道的，只不過搵到錢就唔理，放假就去外遊、嘆世界！
（識事務者為俊傑，我自愧不如。）
（明知有問題，口也要講萬歳，咁係咪好呢？）臨近10月10日機械人的士發佈，我的心情也有矛盾，我知道特斯拉股價會十分波動，有上升嘅力及下跌嘅力嘅爭持，唔想阻人發達，亦不能忽略其中嘅風險。
另外，某些股票巿場上升，不過是虛火，某些講股佬話三萬點、四萬點，佢自己都唔會落注，千萬不要相信。
先看誠哥…
財富嘅累積，一定由節儉開始，我初出道，賺一萬，儲七千，你要做生意、投資，永遠都係死慳死抵儲番尼，爛身爛世，窮鬼一名，沒有名牌裝身，勞力士都冇掂過，要十一奉獻、甚麼捐贈，從來唔會冇錢俾，就是今日，我也隨時準備紙幣，幫助有需要嘅人，有時也有扎心，因為乞食嘅人，不乏比我年輕有力，我冇錢都要去酒店執房，怎可以乞食呢？不過想深一層，難民未必可以工作，救援又未必到位，也有實際需要。
以前有個friend，借了兩皮玩失蹤，WhatsApp唔應，真係無聊！你低聲下氣話冇錢，攪唔掂，我都唔會迫你，咪當跌咗，最弊交待都冇句。講句唔好聽，我找追數公司又得，出律師信告到你破產又得，但係咁樣做，對我又有乜嘢好處？損失只會更大，做生意唔好意氣用事，止蝕就算，反正對方已經變賣了大家嘅關係，原來咁多年交情只不過值兩皮咁cheap，讓我大開眼界。
窮點解窮？富點解富？永遠都有原因，唔好怪上一代冇俾到自己甚麼，要怪就怪自己一生做了乜嘢？
（有些人，一手好牌，打到爛晒，做野懶散，好吃懶做，唔死都冇用。）成日講錢，好市儈嗎？如果唔識管錢，就好似佢地咁…
我自己覺得股票買賣好似超級巿場，甚麼貨都要買，賺錢嘅貨，冇咁賺錢嘅貨。將到期嘅貨，價值將會歸零，就要平賣，輸少當贏，有人搶嘅貨就賣貴啲，賺取更大嘅邊際利潤。都係生意嘅一種。
社會不應該仇富，如果佢哋都係跟足規矩而成功的話，就好像奪得冠軍嘅運動員，奪得十優嘅狀元，佢冇用禁藥，沒有作弊，應該替他們高興，替佢哋喝采，商人也是一樣。
股票世界都有很多黑暗野，莊家舞高弄低，操縱股價，上巿公司做假數，欺騙股民…等等。不過我自問不過是小股民，冇咁嘅Level做這些事，再講，耶穌都唔容許我做呢啲嘢。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
最近摩通提升特斯拉目標價至130美元，真係多謝晒！唯恐「機械人的士」沖一沖喜，股價會上升，加上馬斯克死對頭沽空，好像棒打落水狗一樣。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
子女教育豐儉由人，你有錢嘅讀私立，遲些工黨話要加20%VAT，如果堅有錢，也不會動搖。如果掹車邊，就會因此轉入公立學校體系。 我哋呢啲窮鬼，就一定讀免費公立學校，在蘇格蘭低年班，午餐都免費，只係俾牛奶錢，如果堅窮，牛奶錢都唔使俾，巴士又免費（只限學童），要點對點，車個仔返學，就...
