車最緊要安全，安全系統足料好重要

 某天朝品牌電車安全測試，聲稱有人會自動急煞…

但結果全速撞過去，如果係真人，已經冇命。

在大型品牌的高級型號，都會預設安全係統：

普遍大廠出品，都幫到手，但不能過份依賴，因為架車有問題，駕駛時都會發現異樣，但安全系統要在危險發生時，才知work唔work，例如安全氣袋會否彈出？要撞車才知。

豐田的安全系統叫Safety Sense，有以下功能：

如果買excel車型，應該足料，但車價會貴一點。

（操作在軚盤上，十分方便。）

（LTA循跡輔助，會要求車輛維持在車道，確保安全。）

（英國道路窄，很多兩線路，左邊是巴士專用路，指定時間不准進入，變相得一條路，有時巴士因避左邊泊車，會壓住條中線行駛，我駕車去到行人安全島，會偏左一點，有時LTA會響警示，如果有巴士，我寧可收慢油，過了這個位才加速行駛。有時安全都要靠自己。）

PCS預警式防護系統，當與前車接近，先警告，後會自動減速，再唔理會自動急停，避免碰撞，但我未曾觸發這系統，未知得唔得？系統能否正常運作？亦冇必要用自己條命去試。

BSM盲點偵測，倒後鏡有個燈仔，盲點有車會著燈及響聲，運作都冇問題，不過過線都要睇盲區，唔好做壞手勢。

安全系統，我會全開，但不會過分依賴，仍會小心駕駛，人始終會分心或不穩定性，就好像詠春功夫，膀手都會有埋護手，雙重防禦，安全不會嫌少。