IB投資系列：視金錢為萬惡必窮，視金錢為萬善必富

 我年輕曾在教會事奉十年，每當有新股上巿，我未必會買，但想跟某同工分享的時候，往往得到的回應是謝絕討論，好像是極端兩元論，屬世嘅事都是邪惡，屬神嘅事才是聖潔，咁都冇問題嘅，但「強迫金」推出後，討論點投資？買那隻基金？就完全冇問題。我都呆咗！

你買追蹤「痕身指數」嘅基金，又係嗰啲股票，有乜分別？如果我就係真小人左冷禪，那麼某同工就係偽君子岳不群。其實股票、金錢也不過工具，是善是惡？全在乎人自己。不過你點睇佢，就決定你貧富。

「為富不仁」、「無商必奸」等觀念影響極深，不過閱讀聖經，許多富人財主，如亞伯拉罕、波阿斯、約伯等，佢地唔係都是得神嘅稱讚嗎？

（已擁有財富嘅人，當然可以說金錢不重要，已擁有美貌嘅人，當然可以說外表不重要。問心，佢地冇這些東西，仲可以講這些風涼話麼？）

如果我們不住想錢是萬惡的東西，你點可以努力工作賺錢？你點可以用錢再投資錢搵錢？你點可以接受自己擁有咁多萬惡的東西？

你有奉獻嘅能力，才可以奉獻，你自己都衣不蔽體，何來幫人呢？你睇通了，錢不過是工具，是善是惡全在乎人自己，你賺錢嘅方法，是善是惡也全在乎人自己。

（做電車，是正行生意，冇問題，但可唔可有點創意，唔好一味抄。是善是惡，全在乎人自己。）

（誠哥新盤是蝕賣，我覺得冇問題，正如我睇淡港股前景，蝕賣也唔見三十幾皮，巿場有不同的人，沈大師、郭思治之流話四萬點，仲唔大手大手入貨？借盡孖展揸貨？買賣嘅人冇問題，萬惡是口是心非嘅人。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。