人生係要豪一次，本來諗住豪完便算，點知都幾大鑊。
事緣是今年安排了兩次外遊，一次在復活節假期，去德國柏林，一次在暑假，郵輪假期，去法國、西班牙。柏林之旅已經完成，跟住係郵輪之旅，出發地在修咸頓，原來由愛丁堡去修咸頓是不容易，由於暑假旺季，機票貴到無倫，三百幾鎊一人，一家三人要成皮野，想平一點，先飛去倫敦再轉車，麻煩又論盡，至於用鐵路，又貴又要轉車，唯一辦法是自駕。
駕車由愛丁堡去修咸頓要7小時35分鐘，應該在曼徹斯特停留，這一程也要4小時，雖然以前冇撘架都俾老細點去揸車，試過揸豐田Hiace足足幾小時，但每一個點都有任務，會停一停，但隻眼都十分疲倦，始終唔係職業司機，4小時對我來說是極大的挑戰，可能要跟友人商量，2小時在公路休息站或油站停一停。
暫定向南行應同時遊埋曼徹斯特、布里斯托、卡廸夫，然後上郵輪，去完郵輪再北上伯明翰等，然後才回愛丁堡，中間應要住3晚酒店，點分配詳情要再傾。我都唔想去到咁盡，但即使咁樣做，酒店（友人職員價）、油錢、郵輪碼頭泊位，加加埋埋也不過數百鎊（幾千元），唔使一皮，平過飛機。
當然仲有一個方法，撘通宵巴士由愛丁堡去倫敦，再轉巴士去修咸頓，三人來回約120鎊（1200元），係辛苦，而且時間要預得好鬆，上唔到船好大鑊，現在用甚麼方法仍考慮中。
沒有留言:
張貼留言