睇過孫子兵法，都知道戰爭是國之大事，從不輕率。
許多評論員都以為「突郎浦」魯莽，做事唔諗後果等等。其實諗深一層，如果一個人癲，唔代表整個幕僚都癲，整個政黨都癲，整個國家都癲。
「尾利堅」所睇重，從來都是利益及捍衛尾元霸權這回事，只要能夠做到這件事，再惡嘅、再獨裁嘅政權都可以包容，「民主」、「公義」不過是口號、藉口，欺騙我哋呢啲低級人種。
「突郎浦」怎會連「泥志鷹」都救唔到啊？全世界任何地方，活促、炸死、關押，輕而易舉，問題係點解要咁做？做呢樣嘢有咩利益呢？要停止「鵝污戰爭」對「突郎浦」係輕而易舉，問題係「擇蓮司機」又唔聽話、「勾洲」又唔聽話，咪繼續打吧！「阿洲」都唔係聽話，尤其是「天朝」減少尾債，又在多個領域上，挑戰尾帝霸主嘅地位，想另起爐灶，尾帝當然打到你民窮財盡為止。
油價升，「突郎浦」早前批准出了公海嘅「鵝油」、「衣郎油」可以出售，咁即係解除制裁，任他們賣油續命，繼續戰爭。我都做過生意，賺到錢，成本就不是問題。賺唔到錢，成本幾低都冇用。打扙最大成本唔係武器，而係人命，偏偏呢啲國家就係最唔重視人命。
打扙付出人命，卻換取高油價，增加外匯收入，對「鵝羅屍」、「衣郎」、「尾利堅」，以至「宗冬」國家全部獲益，唔好再咁低B睇炸了幾多戰機、雷達，或者封鎖「霍以木枝海峽」少出兩成石油，損失幾多等等，油價升倍，唔使出咁多油都賺到咁了錢，有咩問題呢？炸幾個軍事基地、設施，都不過成本，俾你賺Double有咩問題啊？尾國頁岩開採成本貴，唔Chok高油價點賺錢，驚你封唔住海狹，尾軍親自封了，成本咪交俾全球人類承擔。
尾國要煉呢個「賢者之石」，煉成陣係劃晒整個地球，包含所有人類。呢個世界就係咁黑暗，利益都係犧牲其他人而換取返嚟。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言