移英日記（376）入靚油

 喺英國揸車，壞係遲早嘅事，因為熱脹冷縮，路面經常都爛，有凹坑，有時要踩中線去避，有對頭車，局你踩，咁攪發，乜嘢避震都壞。仲有冬天灑鹽，避免積雪，底盤容易生鏽，咁揦法乜都壞！

你自己唯有減慢車速過，減少耗損。過了冬天洗下車底，或者下大雨飛兩轉也可以。咁你嘅身體豈不是比車更重要，我哋更應做啲野減少耗損。

正所謂：「苦口良藥」，難食嘅野通常有益，出街食野，大多油炸，而且仲係用機械潤滑油（植物油），而且不是用一次，而是無限次嘅萬年油，身體耗損極大，全身長期慢性發炎，糖尿病、心臟病、中風、癌症⋯⋯排住隊跟著你。

我架車在原廠保養，全部用原裝油，當然油站合型號大牌，唔係雜牌不知名那些，也是可以。咁你嘅身體俾乜嘢油佢食呢？

這些不是Butter牛油，如果係Spread塗抹醬，就有Butter成份加機械潤滑油，沒有真牛油咁硬，較為容易搽麵包，這個是人造牛油，99%化學，肯定唔係好野。

成份係水、機械潤滑油，以及一堆化學物品，除了水、鹽係天然，大部份都係化學野。

真正嘅Butter，只有Butter及鹽，如果無鹽版本，鹽都冇。

食天然嘅食物就係最好嘅補品及機油，卡路里都唔使計，身體會識得自動調節，無糖天然希臘乳酪係難食，加幾粒藍莓，就易入口許多，薑黃生食真係極難食，仲要配合黑椒，有20倍抗炎功效，如果用薑黃粉、黑椒粉混入做咖喱，或者混入飯，成為薑黃飯，就易入口許多，但要留意鐵質吸收。奇亞籽就加入綠茶飲用，蘋果醋係冇可能飲，唯有用水稀釋，千萬不能加糖，否則所做一切都破晒功。

方法就自己諗嘅啫，最緊要就係你有冇心去做。