愛丁堡詠春：隱藏鋒芒

 功夫佬係乜嘢質地，唔通我哋唔知咩？絕大部分都係垃圾。

真係有實力又講真話嘅師傅，實在唔多。而且，唔係所有地方都容許講真話，最後當然不得好死。

（「瘟師伯」嘅高徒「肛師傅」，睇佢嘅背肌、肩胛、埋㬹，真係唔易對付，我都甘拜下風。）

「兵者，詭道也」，如果項羽嘅武功係100，佢嘅第一猛將龍且也有99、98，勇武非常，如果龍且統領20萬大軍攻擊韓信5萬，始乎係必勝嘅任務，但結果卻是韓信殺敗龍且。面對強敵，不能輕敵，要牢牢守住，待其久攻不下，破綻出現，然後可以圖也。

有實力唔需要顯示，反而要隱藏、示弱，令人疏於防範，反而有利戰鬥，兩人對陣，擺好樁頭，一定兩手在前，前問後護，問手四指微微合攏，指住對方個頭，姆指微扣，後護手不能太埋身，處於前手嘅手腕與手㬹之間，甚至偏近手腕，唔使埋㬹住，放鬆就可以，唔需要話俾人知你有幾埋㬹，你能幾埋㬹，有實力要收埋，有需要用才盡力施展，才能發揮最大效果，做人做事，鋒芒畢露，都唔係好事，唔會有好結果。有想法，有時也要放在心內。

這個世界絕對自由係唔存在，有些地方表面係自由，法例限制不了人去表達，但可以被人一槍射死，有些地方可以評論政治，卻不能批評人哋嘅性取向、種族等，反之，有些地方不能評論政治，卻可批評同性戀等。不同地方都有不同規矩，有想法也不能輕率表達。