移英日記（372）賺錢即仆街

 英國不住懲罰努力工作嘅人，經濟怎會好！不少年青人開始做廢人，最好被定義為有病、有問題，就可永久不工作、攞福利，繼續容許非法移民，繼續俾酒店、派福利，財政黑洞就永無止境⋯⋯

越努力、越仆街！60%稅帶！邊個玩得起，當然有錢佬係冇問題嘅，用公司報稅及會計多重手段，好像某水果手機，在「愛已難」註冊，再用多重手段，稅率係低於1%，世界永遠都唔公平。

所以你不能怪英國佬做野求其、不思進取，買嚫老麥外賣都錯，有時漏薯條，有時漏開心樂園餐玩具，錯漏變成慣常，效率又低，好難想像這個曾經威過嘅經濟強國，今日淪落到如斯地步！制度養懶人，懲罰勤力嘅人。

上星期又蝕六皮，成日蝕錢都唔係好平衡，不過要知道呢度係咁玩，就用佢嗰套生存，統治者背後嘅邏輯唔係我哋低奴、凡人所能理解，窮嘅人係容易操控啲嘅，多幾個「瑪暈」賺多幾個臭錢就亂講說話，統治者就唔係好開心了。