移英日記（373）讓自己幸福

 隨住政府不住加稅，有錢佬就不住鬆人，大不列顛就更快走向末路，因為有錢佬交嘅稅佔有極大比例，一旦佢哋走晒「度擺」、「奧周」，財政更攪唔掂，「嬰王」都冇飯食，要食粥了！看來「私己然」時日無多！

奴隸主、高奴有佢哋嘅想法，低奴最緊要顧掂自己，讓自己幸福一點。

我就繼續任我行…

用豬油爆香蒜頭，將腸粉煎至金黃色，唔係亂兜，係逐粒翻轉，出面師傅都冇咁好心機。

加上麻醬、豉油，出面酒樓都食唔到。

天氣轉冷，晚上只有一間睡房開暖氣，一家三口，我睡地下，日間仍然唔開暖氣，節省能源開支。低奴就係咁樣涯過寒冬。

進入寒冬，機械都要留意，昨日個車匙突然冇電，企喺條街，幸好等一等佢有餘電，勉強開著，返家再算，立刻去超巿買電。

本來都要入呔氣，保持呔壓，但充電寶借了俾印度鄰居，因救了多次，我說等佢買了或換了舊電才還，如果因天冷降呔壓，都要去油站俾錢充氣了。幫人，從來都係要付代價。