愛丁堡詠春：子午定中線

 正所謂：「念頭不正，終身不正」，敢問諸位同門，以下嘅念頭正唔正呢？

唔敢講！怕得罪全球詠春同門，呢個醜人就等我去做啦！一眼就知唔正！引用番本門述語：「念頭不正，終身不正」，咁詠春仲唔收皮，怪不得詠春攪到今日嘅光景！

多年前，某詠春電影宣傳，「孽種」嘅徒弟「癬各淋」出錢出力，徒孫「度乳寒」在某地展示「詠春木人樁法」，錯漏百出，次序、次數有錯，我逐點指出，後來段片冇埋。世界咁多師傅，全部盲晒㗎！全部死晒㗎！定係怕得罪同門？「孽種」算甚麼？佢詠春好叻麼？靠嘅不過係父蔭，但不是盡得真傳，部分技術更是某詠春博士「涼亭」所教，「癬各淋」係有啲錢，確實係忌佢幾分，冇人敢出聲，敢怒而不敢言。

甚麼係子午線，就係由北極嗰點，跟南極嗰點連埋一齊，就係子午線。咁詠春呢？就係上交叉手跟下交叉手嘅點連埋，將人體中分左右，就係詠春所指嘅中線。

按上圖，紅線就係中線，「綜獅」嘅交叉手明顯歪埋一邊，係唔合格，詠春最重要嘅子午定中線都定錯，整套拳都唔使玩了！

我預咗與整個詠春為敵，不過你哋鬧之前，請聽我一言。「綜獅」錄製這段示範已身患癌症，數日後已離世，如果要評價一個人嘅技術，倒不能以死前一刻去衡量。就好像藍球巨星「咪膏咗噸」，你當然要攞他在公牛隊最輝煌嘅時候嘅展示，而唔係攞巫師隊嗰個，又或者攞退休後向年青人展示嗰個。然而最大嘅遺憾，「綜獅」拒絕「聾哥」用一幢樓換木人樁法錄影，致使今日流存在世，只有病態下嘅展示，如果單純作為參考，冇問題嘅，只不過有些人以為這就是正宗詠春，唔理好壞，照單全收，更甚者，明知有問題或錯誤也照跟，以正宗為標榜，賺錢最緊要，搏擊有冇問題倒不在乎，反正大家嗰套詠春都係併合而來，越接近「綜獅」個套，就沒有人懷疑出處，更不會懷疑是否正宗。

今日願意講真話嘅人太少了，人人都為利益，邊度有好處就去邊度，完全冇立場及原則，咁樣個世界會更好嗎？

https://www.youtube.com/live/gAft_QCM_4o?si=HOrMhUBeKigWh8Wj