不同時間，都有不同產品推出，為了人得到健康、長壽，說到底，只不過為了錢。
飲食金字塔的製定，背後只不過推銷農產品，食咁多碳水化合物，唔糖尿才奇？營養素份量的製定，背後只不過係過億的健康產品的生意，如果神做人，無論怎樣飲食都無法滿足，人類應滅絕才對。今日又推甚麼抗衰老產品…
以前曾經有一個實驗，有充足不同食物讓兒童自由選擇，結果是所有兒童營養充足，兒童或有偏食，但只吃一種食物也會悶，最終也會吃不同食物，達至營養均衡的結果。
物質富裕的地方最大的問題，是吃得太多，導致身體肥胖，嚴重甚至糖尿病、心臟病、中風等疾病。最簡單的保健方法就係斷食。
我現時奉行緊的係168斷食，意思每日16小時斷食，8小時進食，只要唔食早餐或晚餐已可做到，早前因返工，怕不夠體力，停了執行，破了功。現在卷土重來，由於工作已上手，發現完全冇問題，斷食尾水時間做體力勞動，效果更顯著！
由最肥約190鎊，攪移民停了一停，去到異地，又寒冷，又停了一停，到慢慢適應，又再減，要工作，怕不夠體力，又停一停，至今日工作適應，又開始斷食，現已突破160鎊大關。
現時未知目標設定在150鎊？還是140鎊？如果去到140鎊已經係完全體，倘若有耆英拳賽，我都可以參加，既然有「中年好聲音」，為何不可以「中年好詠春」？酒店執完房收工，雖然冇體力，如果健身室冇人，我都會打下沙包，即使只能出一野「龍虎亂舞」也好。
（絕招一出，就扣晒所有能源。同年代就明我講甚麼。）
沒有留言:
張貼留言