IB投資系列：要賺錢又道德是很難的

 有些人覺得好多事情都是陰謀論，沒有足夠理據，不過我不得不坦白承認，資訊在大不列顛尚算是自由，但以我們這個level的低階人種，是不可能知道一切，當我們知道的事，已經是全世界全人類知道的事，在投資世界已是後知後覺，不可能賺大錢。

但當我要投資時，都要知道係什麼葫蘆？賣什麼藥？要投資食物股、藥物股等等，都要知道佢地點運作。

舉個例子，牛奶有冷凍的鮮牛奶、有UHT高溫消毒奶、有奶粉，正常人都知道奶係哺乳類動物孕育嬰兒的食物，每個母親都可孕育自己的嬰兒，除非奶水不足，才需要處方嬰兒奶粉，咁攪法何來銷量？但今日零歲至80歲任何人都要飲，咁咪賺到錢。正常人都知道越新鮮嘅野最有營養，但偏偏奶是最容易壞的，咪製作UHT高溫消毒奶及奶粉，講真奶粉最冇營養，口感最差，怎會有人買？咪加添各式人工營養，造成嬰兒奶粉、小朋友奶粉、成人健身奶粉、成人減肥奶粉、老人健骨奶粉、老人營養奶粉、老人抗衰老奶粉等等，實驗室証明有嘅營養，你是否吸收到唔關佢事，過咗海就係神仙，sell得出咪得，有需求就自然賺到錢，商家佬冇死錯人。

一切都係錢作怪，要講良心就開善堂，唔係開公司。牛奶有冇益，我唔敢講，但未有商業世界營銷以前，奶只限於未能吃固體食物嬰孩，我地嘅身體、基因、腸道，成人都不能消化奶，有所謂乳糖不耐症，我自己唯有買有機冷凍奶，不買激素奶，也給兒童飲用，好過飲汽水，但不要認為很有益。

我地不過按有限資訊，作出判斷，是否陰謀論，我冇考慮，人們都要憑理性自行作出判斷。

至於我和我一家，就繼續食牛油、豬油，至於那些叫人食植物肉、植物油的宣傳，其實背後的幕後玩家，都是那些要賺更多錢嘅商家佬，你可以認為只不過陰謀論，唔係個個商家佬都好似天朝嗰啲用地溝油咁害人，這個世界都有誠實嘅商人。

做人唔好咁天真喇！要賺錢又道德是很難的，日本車都試過用假數據喇，匠人精神、職人精神，我呸！有錢，道德都唔知去咗邊了！

（阻人發達，猶如殺人父母。好似我話傳統武術唔得、詠春係垃圾，都俾人攻擊，一樣道理。）

（咁樣叫做匠人精神、職人精神，根本跟天朝係一丘之貉。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。