在大自然界，有三個條件決定生存：
一、速度
二、力量
三、耐力
獵豹有絕對嘅速度，可以促到羚羊，但獲得獵物後，很容易被其他大型動物搶去。
獅子有絕對嘅力量，但靠力量搶獵豹、鬆狗的成果，或吃腐肉，多於自己狩獵而得，因跑不遠、也不夠快。
人類又冇速度，又冇力量，是否一無事處？非也，人類嘅長處是耐力，野外嘅非洲人跑一二千米是平常事，因此冇一種動物頂得住。
詠春練黐手佔訓練90%，由於大家都係放鬆咁練，掂到就當打到，係練到橋手反應，但攻擊力卻冇練過，除非佢自己有勁練壁包、吊包，再加上跑步、遊水練氣，再加自由搏擊訓練，否則都係自欺欺人。不過我多年走場所見，壁包、吊包都係裝飾，木人樁未夠年資係唔準掂，只不過有時學員出現單數，冇得黐手，就打兩野壁包，或打兩下樁。
點解練拳重，從來不是詠春門人看重？因為黐手要手鬆才有意思，避免手緊，係一個原因，二則要練重拳，要下苦功，打壁包，皮都甩，唔係講笑，但即使攻擊力上升，這種功力對黐手競技毫無幫助，黐手又威唔到，冇推動力，師兄們都唔敢練太多，久而久之，黐手叻就以為打架叻。
（大家都係做戲，詠春係咁嘅條件，仲打得麼？只不過做戲都要做足啲，臨時演員都係演員，擘晒馬，好難睇！二字箝羊馬係咁嘅咩？如果你爭辯宗師版本都係咁上下，OK無問題，你申報自己末期癌症，命不久已，體力有限，我接受。）
搏擊有1/3練體能、1/3練拳腳、1/3練自由搏擊，以每日鍛鍊時間去決定屬於甚麼level，放工練兩野，屬於興趣班，上過擂台，為大戰經過嚴格訓練，屬業餘拳手，全時間訓練，以打拳為職業，屬職業拳手。明白這個分野，就無謂越級挑戰，自暴其短。
如果某些功夫，興趣班級對興趣班級，都打唔贏，咁代表乜？即係該樣功夫好廢，學都無謂！除非這些功夫發明了一種毒物，只要一掂，就等同一拳的傷害及痛楚，以這門功夫的訓練，掂到就當打到，一定提升這門功夫嘅戰勝率。又或者啲師傅良心發現，帶徒弟一起操體能，攞拳靶揋招，攪到佢晚晚搽活絡油，跟住鼓勵徒弟參加拳賽，日日幫佢地加操，提升佢地戰鬥力…發夢吧！今晚早啲唞！教得詠春只有一個目的：賺錢，要佢做得咁辛苦，不如做地盤好過！
沒有留言:
張貼留言