詠春好多野都老吹

 各門各派都展現點威風、點威武，實際卻往往兩回事。

詠春有分中線鎚及外門鎚，詠春師傅不是說搶到中線，係攞到絕對優勢，除了擊中對方，更可將對方的拳抵消…云云。

實際狀況：如果中線鎚沒有護手嘅護航，實際是互中，更可悲是中詠春中線鎚嘅人通常冇事，詠春友往往會倒下。

（鳥山明好野，佢冇搏擊背景，應有參考擂台搏擊，才能畫出悟空大戰比達的場景。）

一個招數得唔得？除了睇個手法靚唔靚？更重要係功力嘅多寡。搏擊分三個level：興趣班、業餘拳手、職業拳手，絕大部分國術都停留在興趣班水平，連挑戰業餘拳手也不可能。

有的自以為名門正宗，但手法也有問題，擘馬、飛肘、後傾…更加不用說，其實係好可悲，但這是事實。

任何招數可以得，亦可以唔得，好似好玄，其實好簡單，視乎比較法則，即使你是如何水皮，手法如何不堪入目，只要對手比你更差，也可以贏。反之，即使你拳術如何精湛，手法有幾高超，只要對手比你更強，也可以輸。

我地讀歷史，讀到楚漢相爭的歷史，經常覺得劉邦打扙好垃圾，經常打輸，但其實佢打扙實力在該時代排行第三，很多異性王都係劉邦自己打的，只不過同時代出現了兩個勁抽人物，一個是武功超凡嘅項羽，一個是兵法卓越嘅韓信，這就是我所講嘅比較法則。

（韓信係有能力統一天下，只不過太重情重義，如果唔係絕情絕義，點做到帝王呢？）

其實詠春課程，在商業世界就是所謂營銷學，嗰樣野得唔得？根本唔重要，最重要你嗰一刻bye唔bye，肯唔肯科水、落撘。保險要去到claim唔到錢才知後悔，熱戀中的男女，不也是憧憬美好，落咗撘，便宜攞盡，承諾都拋諸腦後了。