移英日記（145）窮遊德國（七）

 今曰我地去柏林圍牆記念館…

應該是早前看柏林圍牆那日未有去到，主要是睇一套記錄片，講述德軍戰敗，柏林淪陷，分為東柏林、西柏林的歷史。

（西柏林被東德包圍，成為孤島，要靠美軍空運物資維持，但同時也是東德人尋求自由的窗口。）

跟住食地道「兩餸飯」，每碟有肉、酸菜、薯仔組成，我地唔識講、唔識睇德文，純粹見到人買甚麼，手指指補少少英文，我叫了三碟，25歐元，之後叫多支飲品2.5歐元，合共27.5歐元，已是外出食飯最平一餐。

（由上至下，豬手、吉列豬扒、牛肉，肉量充足，而且有薯仔，如果是配飯及中式菜，即成我地嘅碟頭飯。）

之後，去賣紀念品商店，就好像以前在漁村嘅尖沙咀賣紀念品商店，我地以前都覺得無聊，咁嘅野都有人買？今日作為遊客，原來都會買這些由天朝製作的淘寶貨。

旅遊期間，由於我嗰仔跟友人其中一個女兒年幾接近，常常玩到很嘈，我地有時都控制唔住，在酒店「會員區」遭受某遊客大駡，攪到氣氛有點尷尬，我嗰仔立刻講了sorry，並立刻安靜。

又有一次父子再黎一場戲碼，我谷住度氣，晚上甚麼也沒吃，「歪芺」也向我解釋以前嗰套，old school唔得㗎，我以前個套是繼承上一代，子女年幼，父母係有絕對主權，「賞賜係耶和華，收取係耶和華」（屬靈原則），但現在俾了佢嘅野，就係佢，唔可以郁，要用也要問過佢。事緣是俾了兒子的果汁，我飲了1/3，佢嘈到拆天。我嘅理解，你要咪攞個支俾你，啤酒、汽水無限任飲，係咪咁大件事。「歪芺」解釋，再攞過都唔係嗰支了，因為已侵犯了佢嘅主權，我後來明白，我哋俾人踹到上心口都可以唔出聲，是上一代訓練嘅成果，因為自少父母都沒有尊重過我地嘅主權，我地要訓練子女捍衛自己主權，就一定由尊重佢地嘅主權開始，始終移英講人子女，唔夠硬淨，一定俾人恰。好像友人概女兒，學校成績彪炳，被某同學唱（因為妒忌），蘇格蘭是不容許欺凌，立刻寫信俾學校陳情，另教導子女向欺凌同學警告，倘若再發生，父母將跟佢父母傾計對質。