標普500有咁大升幅，難道真係500間公司都咁勁，一齊發功的結果？當然不是，升幅主要由七間巨頭貢獻，分別係：蘋果、谷歌、微軟、亞馬遜、元宇宙、特斯拉、輝達。
回顧歷史，當年的萬國商業機器、可口可樂、麥當勞、寶潔…今日仍可投資，你仲會買麼？買美股係唔會為股息，因為扣除股息稅實無利可圖，如果高息者，都係跌到七彩，買可口可樂得三厘息，如果要收息，倒不如買短期美國國債，有五厘幾，如果要賺價差，升少跌多也無利可圖。
你永遠唔知幕後玩家幾時收網割韭菜，貪勝不知輸，後果不堪設想，天朝一收網，幾多人攪到狗血淋頭，但仍有人唔肯走，漁村萬八點就應該走，再跌至萬七點，又覺得蝕多了又不肯走，跟住跌到萬六點，就更加不捨得，最後拖下拖下，損失更大。
（25歲以上失業率差別不大，但青年失業率已經不敢報。）
標普七巨頭已超買，股價不會永遠大幅上升，見好就收，唔好下下賺盡，功成身退，可保平安。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言