要孖展槓桿投資賺錢，有兩種方法：息差、價差。
息差玩法很簡單，IB孖展槓桿，借100萬美元，利息只不過0.75厘，你只要投資任何穩健產品，利息只要高過0.75厘，就可獲利。
例如投資「獲歪臣」通訊股份有限公司，派息有4.9厘，扣除孖展利息，仍有4.15厘。不過要留意，美股要收股息稅30%，而且美國通賬嚴重，隨時會加息，孖展利息也會加，利潤會減少。
價差玩法也很簡單，股票一定係升升跌跌，只不過升得太少，冇肉食，但經過槓桿，情況就不同，一美元兌7.8港元，某些大公司，買100股，一日升跌十數點是平常事，賺錢機會自然會出現。
例如投資「突施奶」公司，升跌極大，以現價計，一股都要八千多港元，買100股，八十幾萬港元，只要股價升一元，就賺780港元，升十元，就賺7800港元，反之亦然。唔好睇少一千幾百元，如果每日也有一千幾百，你仲咁有神心返工嗎？孖展涉及高風險投資，只適合有經驗投資者。
投資必須按著自己的能力、經驗、風險承擔等因素去決定，切勿做出一些超越自己位份的事情，一間公司股價跌到差不多停板，仍然可以力排眾議，大手爭持，背後對該公司的絕對了解及個人定力、素養，唔係咁簡單，真正的股神，除了巴菲特，再沒有第二個，方舟基金的Cathie Wood，只不過是機會主義者。
（既然Cathie Wood都唔算股神，那麼X大師、X姐算老幾？風水佬唔係靠自己改運致富，而係靠睇風水賺錢，講股佬唔係靠投資致富，而係靠講股賺錢，係咪好攪笑？）
（只有巴菲特是股神，能單靠投資曾經成為世界首富。那麼其他人，包括我地自己都一定不是股神，人貴自知，投資一定要小心至上。巴菲特如果有投資「突施奶」，他已可延續世界首富的位置，但他沒有這樣做，我不相信股神沒有睇晒「突施奶」的報告，但他仍然拒絕投資，一定看到一些事情，汽車公司不以賣車賺錢，而以賣碳權、虛擬貨幣賺錢，豈能長久？）
（文章只屬個人分享，沒有任何投資建議。）
沒有留言:
張貼留言