IB投資系列：計數

 好多人唔識投資，因為唔識計數。

講明「利潤好高」，等於風險好高，如果只睇利潤，唔睇風險，咁等於賭博，甚至賭命，樂風創辦人賭命，本來投資者輸晒手頭資金就算，簽埋擔保，等於跟她一起賭命。最仆街當然係嗰啲所謂「導師」，信佢一成，雙目失明！

有一個人計數好叻，就係「成哥」。

佢永遠睇到我們凡人睇唔到嘅事，佢可以做，就係在生之年，為集團累積大量現金，有甚麼危機，也可應付。

（弦外之音，明嘅人自然明白。）

移民，某程度都係避險，買保險，當然要俾錢，有代價，唔衰，保費就白俾，上年架車全保要七千幾，今年要八千幾講元，唔通想自己撞車咩？

好似「致叔」所講，人要有尊嚴咁生活。我認識許多移英講人，夫婦都辛勞工作，有個「飛髮佬」上門剪頭髮，正職係超巿，賺錢搏命程度不下於漁村。「嬰國」窮到燶，700萬人在貧窮線，經濟停滯如日本失落三十年，青年失業率16%，創十年新高，條數計得掂咪嚟，計唔掂咪走！

你估去「瑪萊篩啊」就有著數麼？咪一樣Cap水，如果炒股頻密，也有機會抽稅，買樓比「瑪萊人」貴十幾%，再加8%印花稅，1-5年變賣，再抽30%。

真正嘅投資者，先取得開發國家護照，再加「亞攣油」稅居身分，再住90日，以取得零稅，但如果未斷原有國家稅務公民身份，要在「亞攣油」住夠183日才能。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。