今日世界嘅現象，令我想起「幽遊白書」嘅反派角色：左京。
今日有個「傻佬」做緊同樣嘅嘢，佢賭甚麼都贏，甚麼生意都贏，試射火箭幾乎破產，最後俾佢成功，攞埋NASA合約，生意涉及火箭、上網、AI、電動車、社交媒體等等，財富累積全球第一，背後真正嘅意圖，係要飛往火星，甚至殖民。
有錢佬諗嘅嘢唔係我哋凡人所能理解，如果佢哋只有凡人嘅思維，就只有凡人嘅財富，因為財富一定與個人嘅認知、思維匹配。
左京做甚麼地下生意，根本係沒關係，因為最重要賺到足夠嘅錢，達成自己嘅心願。AI也是一樣。
AI嘅願景最終可解決一切問題，甚至疾病都可以破解，生產力大幅提升，產出多於使用，邊際成本接近零，人人都可白白享受，願景多麼美好、夢幻…。
今日地球嘅糧食係足夠所有人吃飽，但最後結果係點？正好解答了將來，產出多於使用，差不多成本接近零，仍然係饑荒處處、屍橫遍野、戰爭不住…。
AI係咪真都唔重要，重要係大部人認為真及可行，這才重要，有一個合情、合法、合理嘅方式，盡收天下財富，然後累積財富，打造最安全嘅避難所，即使幾危險，佢哋都要活下去。
不過對世界級富豪，並未足夠，即使核戰，也要繼續生存下去。
當地球都唔安全嘅時候，外太空就係答案，月球太近，太容易，反而火星肯定唔係人人可去，會更加「安全」，第一批去火星嘅人係普通人，或稱死士，因為要有人試下這避難所是否安全？怎樣優化？乘坐有去冇回星艦前往開發，待建設一切，這個天價避難所及星艦套票，才會向超級富豪出售，價錢都係億兆計算。
AI、太空科技…成功與否，都唔係俾啲窮鬼用，不過這次宇宙級嘅豪賭嘅外圍，已經開局，普通人都可參與，就係嗰隻「士卑益匙」SPCX，如果好似專家所講，呢隻股票係龐氏騙局，公開招股就係掠奪全球投資者，咁當佢出售火星天價避難所及星艦套票，就係掠奪全球超級富豪。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言