股票係無常，但人總是希望找出一些規律，從而能賺大錢，有人裝「聾蝦」，用AI助理追蹤數據及基金佬講話，咁「俾突幣」，有人就用power law。
其實不過物理學家整出嚟嘅數學模型，希望找到走勢，2026年目標係14.5萬，2030年係47萬至100萬。今日我淨係知6萬元也守不住，「拆掠」剩返85元，資產三球也守不住，我都就嚟要揸兜乞食啦！
唔好話14.5萬，升番10萬，已經算喇，唔好話發達，攞番本金就算。
以前一星期去飲茶或自助餐，再加中超買野，100鎊，一個月400鎊，現在一個月才一次，可能要再減。酸種麵包、希臘乳酪、咖啡，我都唔敢再買，「歪芺」話如果永居、入藉冇錢咁點，咁咪賣埋架車，兩條老野唔好做懶蟲，死出去做野…。
本星期嘅期權賺三皮幾，但賺錢速度追唔上蝕錢嘅速度，隨著資產下跌，可以透過期權賺錢能力也受限，虛幣不升，禍不遠了！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
發佈留言