IB投資系列：信錯人

 因未來有三隻巨無霸上巿，抽走巿場資金，以致虛幣價格急跌，資產唔見一大橛，表面上我不住賺錢，但總資產卻不住下跌，由五球、四球，跌至三球，失去買樓能力，「歪芺」當然埋怨，我說是技術性調整，她當然說鬼話，虛幣股自己也要賣幣償還利息，莫非我咁就玩完！

炒股票就係咁，「三更窮、五更富」，所以就算每月賺十皮、八皮，我仍然當自己係窮人，過窮人嘅生活及消費就可以了。再講即使蝕兩球，人哋稅局唔會當你蝕錢，只是未實現盈虧，對於期權、賣買，這些已實現盈虧，只要賺錢，仍要交足稅，這是許多人無法理解嘅事。

咁嘅環境，友人又話去「霧離黑」，又話上郵輪去「羅威」，又話租旅行車上「鬚革難」高地…基本上都唔使諗。我唔係吃喝玩樂嘅人，唔去玩，我覺得無所謂，但對於小朋友，每一個活動都是重要回憶，不過無錢都沒辦法了！

我又唔係YouTuber要掠水 ，又唔係乜sir、物sir，建立不敗傳說，搭好個雞棚，等那些想投資唔用腦嘅人科水，再游說你哋投資「高回報」項目，佢自己收了發展商20%佣，跟住又向你sell有20%回報項目，要有40%回報項目，根本是不可能任務，乜sir、物sir收了20%佣，代代平安，再迫你哋簽擔保，你死你嘅事。

做生意有賺有蝕好正常，投資有賺有蝕好正常，呢鋪只能說信錯人，我又何嘗不是這樣，三百幾元買，現在百零元，唔見三分之二。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。