IB投資系列：做上等人最後機會

 接了貨最好嘅方法係盡快甩身，除非係優質股票，優質股票波動少、投機性少、溢價少，咁期權就冇肉食，因此都要在利潤與風險間攞個平衡。

接了200股OKLO及100股SATS，用接貨價賣出看升期權（4日），收911尾元期權金，約7105講元，連埋上星期五買嘅期權（7日），合共4591尾元，約35809講元。

當然也可以揸住上述股票，善價而沽，不過巿況咁波動，今日唔知聽日事，利用期權鎖定利潤也是一個保障，這是期權嘅車輪策略，循環賺錢。

友人再度發出邀請，說上一次地中海「瑪已牠」已經錯過，要珍惜機會（叫人使錢，都唔知天使？定魔鬼？）：

「羅威」之旅郵輪假期，做「上等人」嘅最後機會，「蘇州過後冇艇搭」。P&O是最頂級郵輪，只招待「高奴」及「中奴」，要感受典雅英式生活，唯一機會。

大不列顛係窮苦之地，但來都來了，只係感受下等人嘅生活，有何希奇？如果能夠體會另一階層生活，也是開心，究竟英式嘅優雅是真正嘅內涵？還是扮晒野嘅虛偽？

不過除了貧窮嘅體驗，一切體驗都係用錢買來的，要做上等人，都唔係咁容易的，睇下股巿點樣發展再作定奪。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。