移英日記（398）窮人健身

 真正要身體健康，根本不需去健身房，囚徒健身已經可以。

我將囚徒健身融入窮人生活，成為窮人健身。

去超巿購物，行路去，提住重物返家，如果係買米，效果更佳，又慳油錢，負重又可刺激骨骼及肌肉，對預防骨骼疏鬆症，有很大幫助。

西超「魔域腎」嘅「青龍米」4.5鎊，5KG，又可以當啞鈴咁用，雖然唔係好揸手，但用塊布套住，都OK嘅！以前聽故仔「陶侃搬磚」，覺得啲古人得閒嗰頭冇嘢做，好無聊，今日到了我這個年紀，終於完全明白，今日個故仔變成「大L搬米」。

今日我苦口婆心奉勸年輕人，唔好單純追求詠春黐手、跆拳花巧腳法…之類，要練到落地嘅功夫，必定由基礎練起，心肺功能及肌力係永遠走不了，我地啲老野，深蹲便足夠，後生仔，要負重嘅深蹲，如果唔係點有馬，講甚麼力由地起都係呃人，再加臀橋、平板支撐、掌上壓（俯臥撐），跟住打空拳、打沙包、打壁包，再練自由搏擊…。

（妨間某些詠春，冇馬、冇腰、冇手，你唔做攤打，冇問題，至少要護手，而非下垂，今日所謂師傅，個個都係做戲，但做戲都唔做足，我真係冇野講。）

（呃人何止政客，全人類都活在謊言裡，打減肥針其實係打毒針，天天服毒當補品，用人工處方化學奶粉代替母乳⋯⋯。）