人生太多苦難，經歷太多，我才可以處之泰然，笑傲江湖！
七日期權多過1元，就有行權嘅機會，OKLO都係行權強制60元買入，盡管當時跌到五十幾元，咪用Call option出番貨，佢收巿超過60元少少，唔好覺得係損失，賺了期權金就可以。同樣隻「士卑益匙」SPCX，200元買185元嘅貨，係貴了，但扣除已收期權金，成本192.57元，每股實質蝕7.57元，對於波動咁大嘅股票，係好少意思，可以下星期善價而沽，或者原價200元做Call option出貨即可，要行權又好，唔使行權又好，賺了期權金就可以。
勝利係目標，招式不過手段，千萬不要本末倒置，學詠春咁耐必明嘅道理，日字衝拳力量雖少，但連環拳嘅威力卻大，急勁可破抗打。我做唔到一鋪賺大錢，但我每星期都穩賺一兩萬，一年至少50萬至100萬講元冇走雞，如果唔係「拆掠」MSTR大跌，早早買樓了，唔使被「歪芺」日夜埋怨！
我個人而言，買唔買樓唔重要，因為用買樓嘅錢放在證券戶口作保證金，賺到嘅錢一定夠交租兼生活費，綽綽有餘，但買樓有安全感，又鎖定校區，又保住資產，講句唔好聽，輸晒都仲有層樓，家中其中一人工作已夠生活，人都係想有這種安全感。
明明「羅威」郵輪假期兩皮都唔使（尾水優惠），我一個星期嘅期權已經賺到，但當你見到戶口唔見兩球，兩皮都唔敢使，這是消費信心問題。
好嘅股票一樣可以令你破產，壞嘅股票一樣可以令你發達，問題係你用甚麼價錢買，用甚麼交易策略等等，夠薑嘅話，老千股、妖股、龐氏騙局股一樣可以炒，正如你可以識一切朋友，但你千萬不要將酒肉朋友當成兩脅插刀嘅朋友，同樣SPCX，你唔好當佢等同S & P 500可以永伴一生，SPCX不過逢場作興，歡場無真愛，唔好太認真，用真感情。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言