IB投資系列：世事無常

 星期一當然繼續炒股，上星期五收巿前平唔到倉嘅「迴猩猩」SATS，本星期繼續Call option，另put option嗰隻「扒零T牙」PLTR。

賺番多點水腳，467尾元，即3642講元，加埋上星期五嘅落盤，加埋有三皮半。

嗰隻「士卑益匙」，睇來睇去，始終無買，因為用已成功嘅價錢去買未成功嘅公司，風險依然好大，雖說需求好大，但「士卑益匙」員工也可隨時散貨，升到某個點又可再散，發行量也可加大，稀缺性不存在。

當然「馬屍黑」有辦法令股票需求延續，只要納入某一些指數，某些基金便會被迫購買，增加需求。不過股票係由巿場決定，即使有劇本，你唔能完全控制時局及人心，正如「揮撻」班高管140左右散貨，他們紛紛伸笨，因為無人知會衝破200以上，「士卑益匙」也是一樣，試射爆炸，你估股價變成點？又或者對家「背索屍」接多了NASA合約，又或者「猩鏈」失靈，晶片良率超低…等等。

人生係無常，世事係無常，我都唔知年過半百才去十萬八千里外嘅國家生活，突然搵唔到食要全職炒股，突然「彼突幣」跌大半，無錢買樓伸窮，兩皮唔使嘅郵輪也去不了…分分鐘激進黨派執政，要驅逐移民也說不定，又要二次移民。

「人有悲歡離合，月有陰晴圓缺」點講得埋呀！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。