IB投資系列：借日圓賺息差唔知仲可玩幾耐？

 以前借錢賺息差，有借日圓、歐元、瑞士法郎，但美帝不住加息，各國也要跟隨，否則本國貨幣將會貶值，局你要加，今天借瑞士法郎3.107%，歐元4.892%，雖然借黎投資美帝國債，仍有息差，但差距太細，唔值得冒風險。

唯有日圓仍處於低息，由1.5%加至1.545%，仍然有利可圖，只加0.045%，美帝加息都唔止此數，而且借得越多，利息越平，最平0.545%，賺一厘都賺，你做任何生意、任何投資，如果一厘都冇，執咗去吧！醒目都懂放去定存、買下國債圖利。

借日圓賺息差的玩法，講了很久，不知仲可玩幾耐？主要視乎美帝加息步伐，不住加息，是進場的好時機，停止加息，就不再加注，開始減息，就要準備離場。日圓加息步伐比不上美帝，才出現息差圖利、滙差圖利的機遇，倘若加息週期完結，息差收窄，日圓轉強，形勢就會逆轉，唔值得咁玩了。

要記住，九成散戶都是砲灰，幕後玩家要割韭菜，也由散戶開始，要賺錢不要賺盡，有時輸少當贏，唔通等東涌賣地幾次流標才沽麼？我告訴你有些人仲唔捨得放，萬七點唔放，萬六點唔放，即係蝕到死都唔放，咁唔係投資，係自殺。

（某些地方已開始收網，一收網就一網打盡，全部人死晒。所以投資，見好就收，好像誠哥一樣。）

（投資好像搏擊，識得進攻，也要識得防守。遊走閃避雖然唔好睇，但最緊要留在擂台，輸少少點數唔緊要，下個回合再部署點打。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。