移英日記（117）分擔家務冇詐型

 最近有資料說大不列顛有52%「講人」冇工作做，有的人以為經濟蕭條，不過你要知道大不列顛不像漁村可請菲傭，或父母代為照顧，有兒女都要夫婦其中一人，全職家務，咁攪法，已經有50%不能出外工作，還有退休或半退休人士，所以這數字並非假新聞，但沒有解釋其中原因，或誤導了。

不過有一點要正視，開始有移英夫婦離婚，這是需要正視的問題。

要做家務，沒有菲傭，並不容易。第一，居住面積，往往大一倍，吸塵清潔工夫也多一倍。第二，接送返學，路程也較遠，駕車是OK的，但要零下幾度等巴士，都不容易。第三，以前唔得閒就出街食或買外賣，現在因成本問題，局住要日日自己煮，又要買餸，每次超巿都一大袋，有車尚可，冇車，唔離婚才奇。

至於工作，最低工資係比漁村高，但對比漁村份工，扣稅後確實低了許多，而且都是基層工作，體力勞動，少不免受氣，我以前的護士同學，以前點人執屎，現在自己執屎，心理上也會不適應。

無論做家務或工作那個，也辛苦了，家庭衝突自然增加，倘若不處理其中難題，最終走上離婚之路，咁又何必呢！

我建議如果丈夫返工，這裡五天工作，放假兩日駕車一齊去超巿入貨及協助家務，放假間唔中出街食，開心下，或者買些微波爐叮叮飯（85便士至1鎊）、焗pizza (1鎊至5鎊），唔使日日煮飯咁辛苦。另外，勿忘初心，想清楚點解黎喱度。

（我屬於無業遊民，每日駕車接送兒子返學放學，駕車採購或一同採購，幫兒子沖涼、出街踏單車，幫幫家務，三餐洗碗。最近同個仔一齊打機，Final fight、恐龍快打都爆了機，有人分擔就唔會「詐型」。）

（Final fight是經典打交game，跟我差不多年幾，唔讀書，出入機鋪，一定知道。移英講人多屬大學生、專業人士，我是最低級喱民，拉低他們平均學歷。又唔做野，拉高失業率，令某些人大造文章。）

（恐龍快打，以前街機可多人參與，一班friend一齊打，咁先夠爽！）

(名將，也是打交遊戲，要合作才好玩。）