IB投資系列：無常

 最近「揮撻」出了亮麗財報，然而對股價沒有刺激作用。

「老王」嘅眼光真係唔錯，但未來嘅佈局係咪咁走，始終真係未知，各間AI龍頭，紛紛自研晶片，去揮撻化，「天朝」定單變數多，幾個基金佬紛紛買了看跌期權，沽盤嚴重。

另一隻穩陣之選：「抬漬殿」，明明在2納米晶片，唯我獨尊，無人能及，基金婆「木頭姐」也唱好，但轉頭沽貨，攪到穩陣也變得波動，最慘我哋唔知劇本，又唔知佢哋知唔知劇本，究竟純粹係唱高散貨？還是有不能說的秘密？

面對巿場不確定性，投資唯有小心部署，始終我哋都係刀口下搵食。

本星期賣了16張期權，賺3028尾元，約23618講元。信自己，唔好信人、唔好報班、唔俾披闖、唔好科水、無需點讚、無需入會、自己研究、自己問AI，錢永遠都係靠自己賺，我有貼士自己買咗，低奴嘅資訊永遠最後才知。

任何人都可以投資，發咗達係你嘅本事，無需請我食飯，破咗產係你嘅問題，亦無需怨我，大家係成年人，為自己所做嘅一切負責。純粹個人分享，生死各安天命！

（既然「燒山」係燈神，更應「披闖」，反向操作。股票係無常，無人知道。「燒山」係16型性格嘅FJ，我估，佢一見到現象就很快回應，莫說股票會估錯，政治也會估錯，「流山」則較理性，唔肯定嘅野唔會講到咁實，好似「𡁻搏」一分材料一分話，錯誤較少。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。