移英日記（381）下等人生活

 「嬰國」係苦寒之地，稅又高，冇啖好食，千祈唔好嚟！呃人㗎！

到了假日，當然去燒野食，自尋樂趣…

咁嘅環境根本冇得輸…

透好個火…

跟住燒野食…

小朋友在大自然跑跑跳跳，跟「鄉講」甚麼室內遊樂場，根本不能比較。

用「度零Go」學了國際象棋，去鬼佬地方，當然玩鬼佬野…

又砌Lego，當然唔係正版…

接合位好弱，明明一大塊得一個接合位，一郁就散！老翻即係老翻，明買明賣，俾幾多錢就換幾多質素，好像公校跟私校一樣。

我喜歡買Stem俾個仔，希望佢學到一點點科學知識。

某移嬰網紅「高高哥」，將個女由公立學校送至私立學校，又學鋼琴、睇字典咁厚嘅英文書、高級運動，又有禮貌，說話有詞彙…將她變成一個「上等人」。正所謂：「萬般階下品，唯有讀書高」，我個仔「搞搞震」，「讀書唔成做鬼都唔靚」，寫字歪歪斜斜，睇埋啲Dog man漫畫，游水、Judo、單車、滑板車、滾軸溜冰、國際象棋、iPad、Switch…玩物喪志，「同人唔同命，同遮唔同柄」，好明顯係「下等人」，唔同人有唔同嘅走向，將來係點基本上冇人知，父母不過按著他們有限認知及兒女特性，鋪好條路。

（「呢度超巿」可換免費蔬菜，當然換1KG姜係最著數，要5.49鎊。）