巿面上，有對傳統武術跟現代擂台嘅評論…
有的是對，不過我再講得簡單、直接點，只有兩個Point，第一、傳武只停留在興趣班level，連業餘拳手都打唔贏。第二、師傅絕大部分都係戲子、演員，佢自己都冇料，佢可以教到你啲乜嘢呢？
二字冇箝羊馬、擘馬、後傾，正常應側身馬、單重、挺腰，膀手束橋，護手飛肘，正常應135度膀手，護手要埋肘，咁嘅詠春，真係做過樣呃人，一用真力就穿崩，食屎啦！
我十分憎恨騙子，投資班又是騙子，功夫班又是騙子，點解唔可以誠實一點做人呢？我知道：「忠忠直直，終需乞食」我講到詠春，要有番咁上下搏擊實力才學，奀挑鬼命學嚟都冇用，要操到你fit到爆燈才有意思，搵鬼學咩？女仔練臀橋都肯嘅，有S型身材，但練深蹲，練到條腿咁粗，打死都唔肯，如果男仔又年輕，要負重嘅深蹲，做人何必咁辛苦？好過份咩？以前學空手道，扎好個馬，上面要企一個人，其實道理一樣，你要有真功夫，必先要下苦功，這是不二法門。
有的「師傅」呃人，跟佢學完再薪火相傳去呃人，大家排住隊落地獄！要令自己心安理得，先學「自欺欺人」，要呃到自己，然後才可呃人，以為黐手技術決定搏擊勝敗，系內黐手放鬆唔用力，旨在深耕技術，與人講手，一用真力立穿崩！因為冇馬、冇腰、冇手，樣樣都唔得，會有甚麼好結果呢！
（賺錢冇問題，最重要係「君子愛財、取之有道」，呃呃騙騙嘅事，可免則免，小心收尾嗰幾年。）
沒有留言:
張貼留言