一切勝敗，全在制度、規矩、競爭條件。
秦國為何能滅六國？豐厚嘅奬賞制度，殺一敵人賜一爵位，秦人一知道打扙就興奮，放低農具、勇往殺敵。劉邦為何能滅項羽？也是來自豐厚嘅奬賞，韓信滅齊國，要求封做假齊王，劉邦即使不滿，最後也封了韓信做真齊王，吝嗇奬賞係唔會成功。
美國為何能擊敗蘇聯？也是來自豐厚嘅奬賞制度，資本主資制度，多勞多得，共產主義，一切由國家分配，做又36，唔做又36，勝敗一目了然。
天朝點解成功？因為改革開放，給予努力嘅人奬賞，現在開倒車，富人成為威脅，越有錢就越遭殃，富豪被消失，槍打出頭鳥，三年封城，攪到民窮財盡，人人躺平。
（懲罰有錢人令國家窮起來，是一條不歸路。）
資本主義國家也好不了幾多，以往低奴可升中奴，中奴可升高奴，也是完善嘅奬賞制度，可鼓勵人努力工作，令人人有機會富起來，然而這制度亦形成對奴隸主嘅威脅，迫使他們消滅中奴（中產階層），不讓低奴可晉升至中奴。
就我身處嘅大不列顛，交稅交到顛！只要年收入過12570鎊，就要交稅，50270鎊以下20%，超過要俾45%，差不多一半，如果老闆要加你人工、升你職，但你要交45%稅，唔升職交20%稅，你都唔會想升職，如果你仲無知咁講「鬼佬」好懶惰，不思進取，係唔了解背後嘅因由，制度懲罰努力嘅人，係消滅中奴（中產）嘅手段。
早前股債齊跌，我也重出江湖，去了酒店執房，其實股巿好轉，我繼續做也冇問題，也讓我融入英國更多，點解唔做呢？因為稅太高，又國民保險稅Ni （BNO計劃已俾晒五年Ni ，即係重複白俾）、又退休供款Pension（要供夠十年才有，我哋半途出家等於白供），做半年交成二千鎊稅，出糧前已扣，不如駕車接送個仔返學放學，扱住個市好過！
公司利得稅呢？50000鎊收19%，高於250000鎊收25%，賺得越多，交稅越多，表面公平，但實際只係針對中奴，超級企業1%都唔使，美股七雄之一嘅蘋果係交0.005%利得稅。（前文已解釋不詳談）
咁攪法，個制度唔係幫人上，而係唔想人上，英國經濟唔會好㗎啦！英股嘅投資都係泡湯，事實上，全球嘅投資也泡湯，全球只有美股係賺錢，冇美帝，我死咗好耐，但即使這樣，整體回報率也降低不少。
點解冚世界都要中奴（中產）死？極權國家更只有低奴，只不過為了方便管治，而所謂奴隸主，也是由一班高奴支持，以其在取得政權後得到好處，講真，「突郎浦」及「馬屍黑」都係極其自我中心嘅人，試問怎可能走埋一齊，更莫說成為buddy，只因有共同利益，唔好咁天真覺得佢哋正義，唔心狠手辣都做唔到呢啲位！
經濟學指出任何競爭環境都會對某些人有利，某些人不利，稱為歧視，天朝係權鬥能力勁嘅人上位，唔係有能力管治好國家嘅人上位，致有今日嘅景況，我聽到移英教師咁講：嗰個人咁差都做到校長，你就明今日漁村嘅教育會變成點了。世界係唔會有絕對公平，只係希望每個人的才華能夠盡量發揮，這個世界也會變得更好。
沒有留言:
張貼留言