IB投資系列：高奴與你想的不一樣

 虛擬貨幣對於低奴而言，十分重要，因為靠佢發達，但對於高奴而言，只不過資產配置其中一環，這種資產升，那種資產跌，最重要係無論世界發生甚麼事，都唔影響佢哋生活，即使「抱驚」放核彈，「突郎浦」仍然施施然在海湖莊園食晏。

對於高奴而言，財富只不過數字遊戲，最重要係做到心裡想做嘅事，好像「標基」，要讓他在首富上退位，根本不介意，只要基金會做到佢想做嘅事情就可以了。

（信佢一成，雙目失明。）

「突郎浦」要甚麼？要權力。權力嘅感覺比海洛英還強烈，令人欲罷不能，越食越多，才能維持嗰種興奮，然而一個國家冇咁多權力，可以點做呢？向外可以征伐，向內可以監控。權力持有越耐就越腐化，一般嘅殺人已經冇feel，好像「不寒」嘅小國，殺人用一粒子彈就足夠，但點解要用高射砲？就是要臣民恐懼，視「甘仔」好像掌管生死嘅神一樣，大國可以對外征伐，所以「抱驚」要打「污黑難」，「今上」想打「寶島」，偉大民族復興都不過藉口，對內則加強監控，不容許反對者或其他聲音，國際要「今上」放Jimmy Lai，即係要佢斷藥，你不如叫佢死好過。

（「不寒」用高射砲對付反對者，十分可怕。）

「馬屍黑」要甚麼？要去火星，要做到這樣野，一定要NASA首肯，「馬屍黑」樹敵太多，確實讓他吋步難行，只有支持「突郎浦」當選成功，就是唯一機會，你看「馬屍黑」在競選期間，出錢出力，就可知道。

（除咗為自己公司，未見過佢咁搏命。）

我想大家攪清楚，虛擬貨幣對高奴而言，並不重要，如果你告訴「馬屍黑」狗狗幣一飛沖天，但他永遠不能上火星，對他而言，都唔會真正開心，甚至比死更難受。又或者，讓「突郎浦」財富增加一倍，但不可以任職做總統，對佢而言也冇意思。

虛擬貨幣對高奴而言，只不過分散投資風險嘅工具，但對於低奴而言，卻是投機，甚至係賭博，因為佔據資產比例太高太重，我重來唔係咁㒼塞叫人唔投資，即使今日隨時崩盤，你也可以繼續投資美股，小注可以，大注免問，自己衡量好風險就可以了。

（我仍然如常買賣，賺夠茶錢咪得囉！一千多港元，做完工作，駕車接個仔放學，唔好咁老土成日要發達。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。