IB投資系列：虛擬嘅野唔好太認真

 美國國庫債券（簡稱美債）點解會上升？就是人們對未來感到悲觀，缺乏安全感，啲人就會諗邊度最安全？邊個國家冇人敢打佢？邊個國家嘅貨幣最穩陣？於是資金很自然流向美元，有美元可以買美股、炒虛擬貨幣，但有風險，會炒燶，最安全嘅泊位，又有息收，一定買美債。

美帝最嚴重嘅問題是支出多於收入，咁點攪呢？冇錢可以印錢，但會導致超級通脹，於是唯有靠借錢頂住條數，美帝財長最大責任是sell得出美債，確保有人借錢俾美帝，才能維持這個帝國運作。

但至「突郎浦」上任，債台高築，可以點做呢？印錢會通脹，通脹就要加息，加息連自己嘅債息也扯高，現時美帝利息開支已佔整體支出第三位，根本冇得攪！減息可減少利息支出，但通脹會加劇，又係冇得攪！除非…個巿冧檔，就可明正言順咁減息、印錢，一次過解決債務問題，所以你明點解個巿一定要冧檔，否則冧檔就係美帝。

虛擬貨幣你可以投資，只要價值跌至零嘅時候，你嘅生活完全不受影響，就可以了。就好像我去郵輪，「歪芺」要玩老虎機，咪唱錢玩，just for fun，以前𡃁仔去機鋪打機都係咁，上郵輪俾了七百元上網，炒股都賺了兩皮，一千蚊咪當小費，錢都要俾人賺嘅，唔影響生活嘅話，你係可以玩嘅。虛擬嘅野，唔好太認真，有人真人都未見過、房都未爆過，就過了三十萬俾人救急，宣明會、樂施會…咁多人有需要，你唔去救？「突郎浦」橕虛擬貨幣，只因美帝充公了犯罪組織許多虛擬貨幣，急需套現解決債務危機，這種事，德國已試過一次，唔係咁天真以為美帝唔會咁做嗎？

（虛擬嘅野，認真你就輸！NFT嘅教訓始乎許多人忘記了。）

（虛擬情人，全部都是假，做人唔好咁低智。低奴都要做智奴，唔好俾人呃晒啲錢，千萬不要輕易信人。）

（虛擬貨幣騙案不住，真係唔識講，只能說：利令智昏。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。