移英日記（205）移英反思

 聖誕將至，人人以為愛丁堡好似北海道一樣，其實這裡比中部還暖，落雪日子不多。

又係去到王子街嘅聖誕活動，跟上年完全一樣，無論各個機動及擺設，唯一知道嘅，係你哋係這裡居民，有20%優惠玩機動遊戲，如果你個樣似本地人，又能操蘇格蘭英語，基本上口講就可以，我哋就攞車牌，有地址証明，也是可以。

每年又係循例上下摩天輪，兩大一細要三十幾鎊，因為本地居民廿幾鎊，也是很貴！

移英兩年，有時都要反思自己個心有冇變，由兼職「賭徒」變成全職「賭徒」，好聽一點叫「投資」，再好聽一點是管理自己資產嘅「基金經理」。我仍然恆守十一奉獻，銀包隨時有現金幫助窮人，只要我目測唔係吸毒或醉酒，有感動，身邊沒有「歪芺」左右，機率也大。我雖然無能為力，仍然繼續為遠方被囚嘅人祈禱，知道故鄉由繁盛走向荒涼，也無能為力，人哋要咁玩都冇辦法，但上帝察驗人心，每一個人終極也要向上帝交帳。

（原告變被告，殘害忠良，以為只會出現在周星馳嘅電影裡，原來現實一樣咁荒謬。）